wong zoe的部落格

來源: 蘋果日報(2014.6.27)

韓國人氣男星蘇志燮今早到抵台灣機場之後，就急急腳換衫，轉場到下午舉行嘅記者會。

記者會上，蘇志燮話自己5年前同章子怡、范冰冰合拍過中國片《非常完美：奪愛大作戰》，嗰時曾經好努力咁學普通話，但因為太多年冇用過中文，所以已經唔記得晒啲中文，0依家只係記得：「大家好，我是蘇志燮」一句。

講到喺下個星期二將會推出韓文hip hop新碟《18 Years》，蘇志燮就自嘲唔識唱歌，佢話：「我唔識唱歌，淨係識rap，所以先會出hip hop碟！」問到有冇想合作嘅音樂人時？蘇志燮謙虛表示：「我實力好弱，唔敢講想搵邊個合作，歡迎有興趣嘅人同我聯絡。」

佢仲話自己19年前做模特兒出道，兩年後跨界拍韓劇《模特兒故事》變身演員，今次隻新碟將會流露佢做咗十幾年演員嘅心境。

另外，受盡女性歡迎嘅蘇志燮仲喺記者會上，自爆戀愛原則添，佢話：「我鍾意體貼、同我傾得埋嘅女仔。但因為同我拍拖一定要承受好大壓力，所以我唔會公開戀情，確定要結婚先會報喜。」