來源: 蘋果日報 (2016.4.15)
http://hk.apple.nextmedia.com/enews/realtime/20160415/54991118
韓國型男蘇志燮今日抵港出席聽日喺沙田新城市廣場內舉行嘅首飾品牌J.ESTINA店舖開幕儀式,吸引半百粉絲到場接機,佢仲相當親民,不停同粉絲Say Hi同收粉絲嘅小禮物。
蘇志燮於今日晏就4:45左右步出閘口,佢都好識做咁先企定定畀記者同粉絲影相,粉絲都相當熱情咁尖叫,搞到有唔少旅客、空姐都行去八卦發生咩事。而粉絲都做足準備工作嚟接Oppa,拎晒橫額、燈牌,又準備咗花同小禮物諗住送畀Oppa。大會負責人安排咗約12個保安維持秩序,不過實在太多人,令行去停車場嘅短短3分鐘路程,Oppa要成10分鐘先到,而當中實在太多人亦有造成少許混亂,有粉絲差啲跌低,亦有粉絲大叫話:「我摸到佢啊!」相當興奮。
全站熱搜