來源: 蘋果日報(2017.7.20)
http://hk.apple.nextmedia.com/enews/realtime/20170720/56981127
由宋仲基、蘇志燮、黃政民、李貞賢等人主演嘅韓片《軍艦島》將於下周三喺韓國上映，並於下月10日喺香港公映，一眾主演今晚就出席於首爾龍山CGV戲院舉行嘅VIP試映會及現身紅地毯，吸引過千粉絲撐場，而宋仲基現身時見到咁多人，佢都睇到O晒嘴。
穿上白色衫現身嘅宋仲基心情好好，跟蘇志燮、黃政民、李貞賢等人擺出加油等甫士，預祝新片賣座。另外，韓星宋智孝、宋承憲、孔孝真、姜河那、李東輝、成宥利等人亦有出席力撐。當中孫藝珍跟宋智孝都以白色造型現身，不過晒腿嘅孫藝珍就更搶鏡。而宋仲基好兄弟李光洙及朴寶劍當然亦有現身。
而宋仲基、蘇志燮一行人行完紅地毯就入場跟觀眾打招呼，導演拖住童星金秀安行頭，黃政民更幫身邊嘅演員拎咪，又請觀眾向所有演員拍手，一眾主演，包括宋仲基就表示好多謝工作人員，希望大家多多支持《軍艦島》。
全站熱搜
留言列表
蘇志燮 (25)
