來源: ON.CC(2016.4.16)
http://hk.on.cc/hk/bkn/cnt/entertainment/20160416/bkn-20160416142908796-0416_00862_001.html
【on.cc東網專訊】 韓國型男蘇志燮獲i.t邀請下午出席旗下首飾品牌位於沙田一廣場的活動，活動未開始已有超過逾五百位粉絲守候，望能目睹Oppa風采。藝人宋芝齡擔任主持及現場翻譯，當叫蘇志燮出現時，現場尖叫聲四起，場面十分墟冚。
蘇志燮由十多位保安及助手陪同下現身，穿上白色上衣黑色西裝，戴上黑超型爆登場，一上台唔單止除咗黑超仲不停揮手冧粉絲，之後又頒獎畀之前玩遊戲嘅得獎者及合照。他表示雖然早前才嚟過香港，但每次嚟都好開心啲粉絲好熱情。
蘇志燮在台上被宋芝齡問到，在《Oh My Venus》劇中演健身教練有冇難度，他說：「做健身當然要節食，如果自己練自己就唔難，但要幫人練則有難度，好彩有教練在旁幫手。」另外問到首飾對女仔是否重要，他說：「如問首飾是否重要，我覺得戴上身是否合襯更重要，最緊要細心。」之後表示希望嚟緊有更多劇集送畀大家，然後再用國語冧粉絲講：「謝謝！」全程雖只逗留八分鐘，已令粉絲瘋狂
全站熱搜
留言列表
蘇志燮 (25)
