wong zoe的部落格

5月，是夏天嘅來臨，亦是一群渴望見到心儀偶像嘅fans們真心期待嘅月份，因為賢重將於5月舉行亞洲巡迴粉絲見面會，中國、香港、新加坡等地嘅fans真係有福喔，可以親眼見到賢重，相信每個賢重fans一定會把握這個機會啦。

 一直以來都認為身處兩個不同地方，可以見到面嘅機會真係少之又少，今次終於有機會可以透過FM見到賢重本人喔，真係唔理咩原因都應該要配合一下。不過真係好貴呀，FM居然票價高達$1380，真係會唔會太貴呢？所以諗咗一陣之後都係決定唔去啦。或者會有人認為可以見到本人花再多錢都無問題，又或者會有人認為是韓星價，是理所當然，不過千多元真係可以買到好多嘢、食到幾個Buffet，特別對於一些學生來說，真係唔係一般嘅負擔，老實說我也覺得真係好貴，即使我幾鐘意賢重都唔會亂花錢去可能只有1、2個小時嘅FM。

要想見到佢其實仲有其他辦法的，不過就唔夠FM直接啦，可以去機場等，追蹤佢出入嘅車輛，但呢類追星行動實在好少做，要做都要有個志同道合嘅人一起瘋狂先好玩，所以今年都應該同佢無緣啦。唯有期待下次喺香港開嘅演唱會，希望會有啦。