來源: 蘋果日報(2014.8.8)
韓劇《主君的太陽》入面嗰個「主君」蘇志燮繼前晚現身APM之後，噚晚就去到香港九展開騷，吸引咗近2,000名粉絲到場支持。現場有近9成都係女粉絲，而且佢哋平均年齡都介乎20-40左右，一睇就知主君唔係小妹妹嘅target呀！
蘇志燮準時喺8點15分喺升台現身，著住黑色西裝嘅佢照舊先向全場粉絲揮手加微笑，再用廣東話同大家打招呼，唔使講台下粉絲梗係跟住瘋狂尖叫喇！
蘇志燮話本身上台前都唔緊張0架，點知上到台，望清楚有咁多人同大家個樣之後，就感覺到個心好似跌咗出嚟咁，好緊張。仲話自己好耐之前嚟過香港一次，但已經冇晒印象，但就一定會好好咁記住今晚（噚尋晚）喎，之後仲有粉絲喺台下用韓文大叫「我愛你」，蘇志燮都有講「多謝」嚟回應，真係冧死人呀！
全站熱搜
留言列表
蘇志燮 (25)